Lus Cog Tseg Nyob Tokyo

Hnub no kuv yuav los sau txog ib zaj movie, ua tawm hauv teb chaws Korea, yog ib zaj movie uas txaus tu siab kawg.

“Thaum kuv sawv ntawm txoj kev uas koj muab kuv tshem tawm ntawm koj lub siab mus lawm, lub kua muag ntws tsis muaj hnub tu, koj tej lus tseem nyob nraim hauv kuv lub siab, Kuv Hlub Koj, cov lus no tseem ua rau kuv lub siab mob, tus kuv hlub cas koj ua li ntawv tau li cas, koj cia li ncaim mus li ntawv tau li cas, vim tus neeg kuv tseem xav tau mus tag ib sim ntawv nws yog koj, kuv cov kua muag qhia kuv hais tias hnub no tseg kiag tsis txhob nco koj lawm, tab sis kuv yuav ua li ntawv tau li cas, txawm hais tias lub sij hawm yuav dhau mus lawm los kuv lub siab tseem muaj koj…”

Soo-jin yogi b tug Na Ej muab Koob nrov npe nyob teb chaws Kau Lim, hos Hyun-soo yogi b tug tub ua zaub mov nyob Tokyo.

Soo-jin mus thaij movie nyob Tokyo, tab sis nws tau khiav tawm ntawm qho chaw thaij neem vim nws quaj tsis tau kom kua muag poob es lawv cem cem nws, ces nws thiaj khiav caij tsheb Luv Fai los rau Tokyo.

Thaum nws khiav ntawv nws tsis muaj nyiaj li, nws tshaib plab heev, nws los pom ib lub chaw noj mov ces nws thiaj los kom lawv ua mov nws noj. Thaum nws noj tag ces nws hais rau tus ua mov rau nws noj tias nws tsis muaj nyiaj, yog nws cia li khiav lawm no yuav ua cas? Nws xav tias nws hais lus Kaus Lim es ntshe lawv yuav tsis paub, tab sis tus ua mov nws noj ntawv paub lus Kaus Lim, nws yog Hyun-soo. Soo-jin nrog Hyun-soo nyob thiab pab ua hauj lwm hauv nws lub chaw noj mov, ces nkawv tau sib nyiam.

Ntuj los nag hma lawm tiag, nov ntshe yog txoj kev hlub tsis sib tau ntawm Hma thiab Huab nkawv. Ua cas hnub Tsov ua tshoob es ntuj ho los nag? Vim hnub no yogh nub Hma ua tshoob thiab. Hma thiab Tsov nkawv sib hlub tab sis ho mus ua tshoob nrog lwm tus, cas yuav tu siab ua luaj! Ua cas yuav ruam ua luaj lau, nov yog Huab cov kua muag. Ua cas ho hais li ntawv? Hma thiab Huab nkawv 2 tug sib hlub heev, tab sis Hma pauv siab mus yuav Tsov lawm. Qhov no thiaj ua rau Huab quaj quaj nroos nraum Hnub nruab qaum, yog li thaum ntuj los nag thaum ntuj los nag thiaj tsis pom Huab. Nws yog kob nag txaus tu siab tshaj plaws hauv qab ntuj no, txaus hlub dhau heev lawm os.

Soo-jin thiab Hyun-soo nkawv sib nyiam heev ces nkawv thiaj li sib yuav, nkawv mus Honeymoon ntawm ib lub vaj paj Sakura zoo nkauj heev, mus ua si ib hnub ib hmos ces rov qab los tsev.

Los txog tsev ces Soo-jin tus manager twb tuaj nyob tos npaj coj Soo-jin rov qab mus thaij movie dua, tab sis Soo-jin nkawv sib hlub heev nws tsis kam mus li. Nws tus manager thiaj yuam nws nce tsheb rov qab. Thaum ntawv ua tsis tau li cas li lawm, Hyun-soo thiaj de hlo nws lub nyees khawm tsho rau Soo-jin ua pov thawj hais tias txawm li cas los nkawv yuav cog lus yuav tsum rov qab los sib nnrhiav kom laib ua niam txiv xwb.

Txij thaum Soo-jin mus lawm ces, Hyun-soo dhau mus ua neeg loj leeb tsis muaj chaw nyob, vim Hyun-soo tus phooj ywg dag ntxias muag tsev rau nws, tab sis lub tsev ntawv yog lwm tus li xwb, thiab tseem kom tus Thaub Kej ua Hyun-soo ua hauj lwm rau ntawv ua tus Guarantor (Tus pab nres thaum yuav lub tsev), ces nws tus Thaub Kej lub chaw noj mov los poob tag, nws tus Thaub Kej chim chim siab ces tuag lawm.

Soo-jin thaij movie tag ces nws rov qab mus Kauss Lim lawm, tsis tau ntsib Hyun-soo li. Soo-jin mus tau 1 xyoos ces nws dhau mus ua ib tug na ej muaj koob nto npe heev lawm, ces thiaj tau rov qab tuaj tim Tokyo dua. Tuaj thib no Soo-jin tau rov qab mus txog lub chaw noj mov thaum nkawv sib yuav es nkawv tau yuav tseg, tab sis tsis muaj neeg nyob li lawm, rov qab los txog ntawm lub chaw noj mov uas ntsib Hyun-soo los tsis pom Hyun-soo li. Soo-jin tsis paub hais tias muaj dab tsi tshwm sim rau Hyun-soo li. Nws quaj heev, nws nco Hyun-soo heev. Lub sij hamw no, Hyun-soo nrhiav tsis laib hauj lwm ua, nws txom nyem heev li, tsis muaj chaw nyob, tsis muaj dab tsi noj li. Hyun-soo pom Soo-jin tawm hauv TV ua rau nws nco Soo-jin heev, nws tsuas tau xuas nws sab tes mus plws daim iav kov mus kov los xwb, tsis yog sab plhu li thaum nkawv tseem nyob ua ke es nws ib txwm kov lawm.

Soo-jin raug caw mus hais lus hauv xov tooj cua, muaj neeg coob coob tuaj saib nws hais lus, sij hawm ntawv Soo-jin pom Hyun-soo sawv nraum zoo saib nws hais lus ces nws cia li tawm tuaj nrhiav Hyun-soo, tab sis Hyun-soo khiav nkaum vim tam sim no nws tsis tshuav dab tsi li lawm, tsis zoo li tus thaum nyuam qhuav sib ntsib, ces nws txiav txim siab tsis kam ntsib Soo-jin. Soo-jin quaj heev ua rau nws nraug zeeg muag ces pw looj hlias lawm xwb.

Muaj ib tug manager ua hauj lwm nrog Soo-jin nyiam nws heev thiab xav yuav nws. Hos Hyun-soo ces mus nrhiav tau ib qhov chaw ua hauj lwm nyob tom ntug dej, mus thauj ntses rau ub rau no, nyob qhov no Hyun-soo tau ntsib ib tug hluas nkauj hlub nws hheev.

Hyun-soo xav txog Soo-jin thaum twg ces nws qhuaj li quaj xwb, ib tug Na Ej muaj koob nto npe yog tus neeg yus hlub, tab sis yu yog neeg pob zzog rau ub rau no, xav mus xav los ua rau Hyun-soo tus siab thiab quaj heev, xav mus ntsib lost sis muaj peev xwm, vim tsis xav txiav Soo-jin lub neej pem suab, nws tsuas tau nqos txoj kev nco thiab kev tu siab mus tag ib sim xwb.

Tau 2 xyoos tom qab, Soo-jin tau rov qab tuaj Tokyo ib zaug ntxiv, nws tuaj zaum no kuj npaj siab tias yuav qhia rau sawv daws paub tias nws yuav yuav txiv lawm.

Soo-jin thiab nws tus hluas nraug mus noj mov ua ke nyob ib lub chaw noj mov me me, ua cas qhib kiag qhov rooj mus xwb Soo-jin pom Hyun-soo tab tom rau siab ntso ua zaub mov, Hyun-soo tsa muag saib ua cas pom Soo-jin nnrog ib tug hluas nraug tuaj. Soo-jin tsis pom qab ua cas li, Hyun-soo los kuj tsis paub yuav ua li cas li lawm thiab, hais lus los hais tsis tawm, yuav quaj lost sis zoo quaj.

Sij hawm thaum nkawv tab tom sib ntsia yam tsis pom qab ntshais muag ntawv, Hyun-soo tus poj niam tawm tom qhov chaw nqa khoom thiab nqa ib pob tawb zaub los, ua rau Hyun-soo thiab Soo-jin nkawv tus twg los tsis paub yuav ua cas li lawm. Thaum no Soo-jin mam paub hais tias Hyun-soo yuav poj niam lawm.

Nkawv 2 leeg tus twg los tus yuav quaj nkaus nkaus lawm xwb tab sis tseem teev lub kua muag cia kom txhob tawm nkaus xwb, ib puas tsam yam txhawm chim pe daws hauv Hyun-soo lub siab tuaj ua rau nws ua tsis tau mov rau Soo-jin thiab nws tus hluas nraug noj, ces Hyun-soo thiaj khiav tawm mus quaj nraum zoov, hos Soo-jin thiab nws tus hluas nraug thiaj rov qab mus lawm.

Soo-jin txiav txim siab rov qab tuaj tom Hyun-soo qhov chaw noj mov ib zaug ntxiv, ho Hyun-soo los txiav txim siab tuaj mus ntsib Soo-jin tom nws qhov chaw so. Soo-jin tuaj pom Hyun-soo daim duab nrog nws tus poj niam thiab nws tus me nyuam ua rau Soo-jin tu siab heev li. Soo-jin thiab Hyun-soo  nkawv los sib ntsib tom tog kev ces nkawv txiav tim siab ua ke rov qab mus nkawv tej qub chaw thaum nkawv ib txwm mus ua si ua ke thiab nkawv mus honeymoon ua ke.

Soo-jin: Tau ntev los lawm, muaj ib tug txiv neej tau cog lus tseg rau kuv tias, nws hais tias nws yuav hlub kuv kom txog hnub kawg ib yam li cov paj ntoos ntawv, kuv xav tias tej zaum yuav zoo li ntawv. Koj pab hais rau nws puas tau? Tam sim no kuv zoo siab zog qub tuaj lawm os, yog li pab hais qhia nws tias kom nws txhob txhawj kuv lawm, kuv nkag siab nws lub siab zoo.

Hyun-soo: Soo-jin.

Soo-jin: 2 xyoos dhau los koj tau tuaj saib kuv puas yog? Tus neeg kuv pom yog koj puas yog? Ua li cas koj thiaj li khiav kuv no? koj tsis paub li lod tias koj tseem ceeb rau kuv npaum cas? Koj mas thiaj ruam tiag tiag, koj mas thiaj phem tiag tiag, kuv yeej tsis xav ua Na Ej li, yog thaum ntawv wb tau sib ntsib ces wb twb tsis zoo li no.

Hyun-soo: Kuv twb ua ib siab tsis nco koj txij hnub ntawv lawm, tam sim no koj lost sis txhob nco kuv lawm thiab.

Soo-jin mob siab heev li nws khiav mus khawm nkaus Hyun-soo, muab nws xub ntiag pw nthi rau Hyun-soo nruab qaum.

Hyun-soo: Txawm yuav tig lub sij hawm rov qab mus rau thaum ntawv los kuv yuav ua ib yam, kuv yuav tsis thov ntsib koj, txij hnub ntawv los wb tsis muaj dab tsi yuav rov los sib ntsib ntxiv lawm.

Soo-jin thiab Hyun-soo nkawv ua k emus txog lub tsev thaum nkawv tuaj honeymoon ua ke, nkawv rov qab mus zaum sib tham hauv dua ib zaug.

Soo-jin: tsis muaj dab tsi pauv li, txhua yam tseem zoo li qub.

Soo-jin thiab Hyun-soo nkawv ib leeg zaum ib ceg khaum tsev, zaum ntsiag to tsis muaj neeg hais lus. Ib pliag Soo-jin thiaj hais tias.

Soo-jin: Koj tus me nyuam npe hu cas?

Hyun-soo: koj pom nws lamw lod?

Soo-jin: Pom duab os.

Hyun-soo: Jae-woon, Soo-Jae-woon, muaj 8 hli lawm os.

Soo-jin: Npe zoo heev li, Jae-woon, me nyuam tub lod?

Hyun-soo: ws.

Soo-jin: koj puas zoo siab thiab.

Hyun-soo: ws, Yusukei puas ua zoo rau koj thiab?.

Soo-jin ncaws ncaws hau xwb nws tsis hais lus li.

Hyun-soo: Koj muaj kev zoo siab thiab tib?

Soo-jin ncaws ncaws hau.

Hyun-soo: Kaj siab lawm os, zoo siab lawm.

Nkawv ob leeg nyob ntsiag to tsis tham lus ntxiv lawm, ua rau ntsiag to lawm xwb. Ib pliag ces Soo-jin hais ntxiv tias.

Soo-jin:Puas muaj qee lub sij hawm uas koj nco kuv thiab?

Hyun-soo tsis teb ces nws cia li tawm mus nraum zoov lawm, Soo-jin tawm lawv qab mus thiab.

Soo-jin: txhua zaus thaum kuv pom paj zeeg, ua rau kuv nco txog koj, kuv xav tawm mus saib paj Sakura, kuv xav mus saib, koj tsis kam nrog kuv mus lod?

Nkawv 2 leeg tawm mus saib paj Sakura ua ke, pom tej paj zeeg zom zaws poob dawb vwb vog.

Soo-jin: Txij thaum kuv ncaim koj mus lawm, 2 xyoo tom qab kuv tau rov qab tuaj Tokyo dua, kuv tau nrhiav koj rau txhua txhia txoj ke, tab sis kuv nrhiav tsis pom koj, koj tsis paub li os tias kuv quaj npaum li cas? Kuv zoo li xav tuag lawm xwb, kuv hlub koj thiab nco koj heev, thaum ntawv kuv xav tias ntshe kuv txoj sia yuav tu xwb xwb li.

Hyun-soo: Wb rov qab tau lawm os.

Soo-jin: wb.

Hyun-soo: Kaj ntug lawm, qeeb rau koj lawm laiv.

Soo-jin: wb, kuv tsis xav rov qab tam sim no.

Hyun-soo: koj muaj lus tshaj tawm tsis yog lod? Koj yuav tau mus tshaj tawm hais txog koj rooj tshoob nad.

Soo-jin: Tseem tshuav sij hawm, kuv tsis xav rov qab, koj tsis nco qab lawm lod? Ntawm no yog qhov chaw wb tau cog lus tseg hais txog wb lub neej yav tom ntej, txawm yuav yogi b hnub xwb los nws yogh nub wb hnub honeymoon, txawm yuav tsis muaj leej twg ua pov thawj tab sis wb muaj kev lom zem thiab zoo siab heev tsis yog lod? Hnub ntawv yogh nub kuv muaj kev zoo siab tshaj plaws hauv kuv lub neej, lub sj hawm kuv nrog koj nyob, kuv muaj kev zoo siab heev li, tam sim no los yeej tseem zoo li qub.

Hyun-soo: Nws yog yav tag lawm xwb, nws yog wb txoj kev nco lawm xwb, tam sim no wb zoo li neeg sib paub lawm xwb, nov yog lub neej tiag tiag, kuv thov txim, tab sis txoj kev wb taug nyias muaj nyias ib txog lawm, rov qab tau lawm os.

Soo-jin: Muab sij hawm rau kuv ib pliag ntxiv, koj tsis paub li lod tias kuv nco koj npaum cas? Kuv cia li ncaim koj mus li no tsis tau li os, kuv tsis paub hais tias wb yuav tau sib ntsib ntxiv thaum twg, thov muab sij hawm rau kuv ib xuab moos ntxiv, kuv yuav tsis thov dab tsi ntxiv lawm, li no xwb koj muab tsis tau rau kuv li lod?

Hyun-soo: wb tsis txhob ua txhaum rau lwm tus os, txawm tias wb yuav sib nco npaum cas, wb yuav sib hlub npaum cas, nws txaus lawm, wb nyob ua ke los ntev lawm, ib xuab moos lod? Nws tsis muaj nuj nqis dab tsi rau wb ntxiv lawm, yog li ntawv koj rov qab tau lawm os, rov qab muso s, lawv txhua tus tos koj ib leeg xwb.

Hyun-soo mus tuav kiag Soo-jin sab tes thiab hais ntxiv tias.

Hyun-soo: Tam sim no kuv tsis tu siab dab tsi ntxiv lawm os, tau pom koj dua ib zaug thiab tau tuav koj tes ib zaug li no, koj lub ntsej muag thiab koj lo lu, koj cov lus koj siv thaum koj yuav koj siab, thiab koj lub ntsej muag, koj lub ntsej muag luag ntxhi tam sim no ua rau kuv muaj kev zoo siab heev li lawm os, ws tsis yog, nyob li ntawm kuv nws tshaj qhov zoo siab lawm thiab, thiab tam sim no qhov wb yuav tau ua yog rov qab mus thiab ua lub neej nyob kaj siab lug thiab zoo zoo xwb, kuv zoo siab heev os uas koj dhau mus ua Na Ej muaj suab muaj npe, txhua zaus kuv pom koj hauv TV, kuv zoo siab heev li, li noxwb os qhov kuv ua tau rau koj, rov qab mus os.

Nkawv 2 leeg nyob ntsiag to ib pliag ces Soo-jin hais ntxiv tias.

Soo-jin: Koj twb tias koj yuav tsis zoo ib yam li Huab, es nyiag quaj dhuj dhi li tus neeg ruam nyob lub Hnub nruab qaum no tsis yog lod? Kojpuas nco tau lawm nas?

Soo-jin cev tes mus muab lub nyees khawm tsho hauv hnab tshos los thiab muab cev rau Hyun-soo, thiab nws hais tias:

Soo-jin: Kuv rov qab los lawm os.

Ces Hyun-soo cev tes mus muab Soo-jin sab tes qhwv kiag lub nyees khawm cia, nws hais tias:

Hyun-soo: Kuv thov txim, kuv tsis muaj cai yuav txais nws ntxiv lawm os, Kuv thov txim uas kuv tsis muaj peev xwm tos kom tau koj, kuv thov txim uas tsis muaj peev xwm pov thaiv koj tau, txawm tias kuv yuav tsis tsim nyog txais koj txoj kev zam txim, ua tsaug uas koj tseem rov qab los ntsib kuv dua ib zaug ntxiv li no thiab, kuv ua koj tsaug tiag tiag.

Soo-jin: Vim muaj koj nyob, kuv thiaj tau ua Na Ej li niaj hnub no, ua tsaug, ua tsaug ntau ntau os, kuv yuav nco ntsoov koj must sis ploj li os.

Soo-jin thiaj Hyun-soo nkawv ob leeg nyias quaj nyias nrog rau kob nag ntaus paj Sakura poob dawb vog, ces Soo-jin ua siab ncaim Hyun-soo rov qab los nrog kua muag, hos Hyun-soo ces nyob quaj pos muag nti zaum txhos caug ntua hauv av, lub siab mob khis rhe cuag muab lub siab dua rhe thiab tshuav ntsoog mos nyoos lawm xwb.

Tauv huab nyob ntawm lub hnub nruab qaum hais rau Hma tias tsis txhob mob rau kuv txoj kev hlub ntxiv lawm, tab sis xav kom koj muaj kev zoo siab nrog duab tshav ntuj uas tab tom tshav tuaj ziab koj, Txoj kev hlub los ntshib kuv zoo li kob nag los ntawm lub Hnub thiab dhau mus ua lub hnub yuav nyob hauv kuv lub siab mus tas li.