ສປປ ລາວ ພົບຜູ້ຕິດພະຍາດ COVID-19 ຈຳນວນ 2 ຄົນ ໃນມື້ວັນທີ 23/03/2020 ເວລາ 23 ໂມງ
ຄົນຕິດ COVID-19 ຄົນທຳອິດຂອງລາວ
ມື້ວັນທີ 24/03/2020 ເວລາ 14:30 ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ໄດ້ຖະແຫຼງກ່ຽວກັບການພົບຜູ້ຕິດເຊື້ອພະຍາດ COVID-19 ຢູ່ ສປປ ລາວ 2 ລາຍທຳອິດ. ລາຍລະອຽດມີດັ່ງນີ້:
ສຳລັບການປ້ອງກັນການແຜ່ລະບາດຂອງພະຍາດດັ່ງກ່າວໃນປະເທດເຮົາແມ່ນໃຫ້ຮັກສາໄລຍະຫ່າງ, ບໍ່ໃຫ້ຢູ່ຊຸມແຊວກັນ, ໃຫ້ລ້າງມືດ້ວຍເຈວລ້າງມືທີ່ມີເຫຼົ້າປະສົມແຕ່ 70% ຂຶ້ນໄປ. ຖ້າຮູ້ສຶກມາອາການໄອແຫ້ງ, ໄຂ້ຂຶ້ນສູງ ແລະ ຫາຍໃຈຍາກແມ່ນໃຫ້ຮີບຮ້ອນໄປຫາໝໍ ເພື່ອກວດໃຫ້ທັນ.
ບັນດາໂຮງໝໍທີ່ຮັບຮອງການປິ່ນປົວແມ່ນ ໂຮງໝໍມິດຕະພາບ (150 ຕຽງ), ໂຮງໝໍ 103 (ໂຮງໝໍທະຫານ).
ຮູ້ມືກວ່າເປັນຫລືສົງໄສໃຫ້ໂທໄປ 166, ຖ້າເປັນກໍລະນີສ່ຽງແທ້ບໍ່ຕ້ອງໄປໂຮງຫມໍເອງ ເພີ່ນຈະສົ່ງລົດມາຮັບຮອດບ້ານ.
ມື້ວັນທີ 24/03/2020 ເວລາ 14:30 ທ່ານ ຮສ ດຣ. ພູທອນ ເມືອງປາກ, ຮອງລັດຖະມົນຕີກະຊວງສາທາລະນະສຸກ ໄດ້ຖະແຫຼງກ່ຽວກັບການພົບຜູ້ຕິດເຊື້ອພະຍາດ COVID-19 ຢູ່ ສປປ ລາວ 2 ລາຍທຳອິດ. ລາຍລະອຽດມີດັ່ງນີ້:
- ເພດຊາຍ ອາຍຸ 28 ປີ, ສັນຊາດລາວ, ອາຊີບ ພະນັກງານໂຮງແຮມຄຼາວພຣາຊາ, ປັດຈຸບັນຢູ່ບ້ານ ຈັນສະຫວ່າງ, ເມືອງສີໂຄດຕະບອງ, ຄອນຫຼວງວຽງຈັນ. ວັນທີ 04/03/2020 ເດີນທາງໄປສຳມະນາຢູ່ປະເທດໄທ, ວັນທີ 05-08/03/2020 ໄດ້ເຂົ້າຮ່ວມສຳມະນາຢູ່ ໃບເທັກ, ບາງກອກ, ປະເທດໄທ, ວັນທີ 09/03/2020 ເດີນທາງກັບມາປະເທດລາວ ແລ້ວກັບໄປຕິດຕາມອາການຢູ່ບ້ານ ບໍ່ໄດ້ອອກໄປໃສ. ຜ່ານມາຜູ້ກ່ຽວບໍໄດ້ສຳພັດກັບໃຜ. ສະມາຊິກໃນຄອບຄົວມີ 04 ຄົນ ແຕ່ຍັງບໍ່ທັນມີໃຜສະແດງອາການອອກເທື່ອ. ວັນທີ ເລີ່ມເຈັບແມ່ນວັນທີ 23/03/2020 ເລີ່ມມີອາການໄຂ້, ເຈັບຫົວ, ປວດກ້າມຊີ້ນ, ເຈັບຄໍ ແລະ ຫາຍໃຈຍາກ. ເວລາ 9:00 ຂອງວັນທີ 23/03/2020 ໄດ້ໄປກວດຢູ່ໂຮງໝໍມິດຕະພາບ ນອກຢູ່ຫ້ອງແຍກປ່ຽວ.
- ເພດຍິງ ອາຍຸ 36 ປີ ສັນຊາດລາວ ປັດຈຸບັນຢູ່ບ້ານຄຳຮຸ່ງ, ເມືອງໄຊທານີ, ນະຄອນຫຼວງວຽງຈັນ. ອາຊີບ ພະນັກງານນຳທ່ຽວ. ວັນທີເລີ່ມເຈັບ ແມ່ນວັນທີ 10/03/2020 ມີອາການ ໄຂ້, ໄອແຫ້ງ ແລະ ເມື່ອ ແຕ່ບໍ່ໄດ້ໄປປິ່ນປົວຢູ່ໃສ. ວັນທີ 22/03/2020 ເວລາ 14:00 ລາວໄດ້ໄປກວດຢູ່ພະແນກສຸກເສີນ ໂຮງໝໍມິດຕະພາບ ທ່ານໝໍໄດ້ກວດເລືຶອດລວມ, ຊ່ອງໄຟຟ້າ ແຕ່ບໍ່ພົບອາການຜິດປົກກະຕິ. ທ່ານໝໍໄດ້ແນະນຳໃຫເຕິດຕາມອາການຢູ່ບ້ານ. ລາວໄດ້ໄປພັກຮັກສາຕົວຢູ່ໂຮງແຮມແຫ່ງໜຶ່ງໃນນະຄອນຫຼວງວຽງຈັນ ບໍ່ໄດ້ກັບບ້ານ. ສະມາຊິກໃນຄອບຄົວມີ 2 ຄົນ. ໃນຊ່ວງກັກຕົວຢູ່ໂຮງແຮມ ມີແມ່ ແລະ ນ້ອງສາວມາສົ່ງໃຫ້ອາຫານໃຫ້. ວັນທີ 23/03/2020 ເວລາ 13:50 ອາການບໍ່ດ້ຂຶ້ນ ຈຶ່ງໄດ້ເຂົ້າມາປິ່ນປົວຢູ່ຫ້ອງແຍກປ່ຽວ ໂຮງໝໍມິດຕະພາບ.
ສຳລັບການປ້ອງກັນການແຜ່ລະບາດຂອງພະຍາດດັ່ງກ່າວໃນປະເທດເຮົາແມ່ນໃຫ້ຮັກສາໄລຍະຫ່າງ, ບໍ່ໃຫ້ຢູ່ຊຸມແຊວກັນ, ໃຫ້ລ້າງມືດ້ວຍເຈວລ້າງມືທີ່ມີເຫຼົ້າປະສົມແຕ່ 70% ຂຶ້ນໄປ. ຖ້າຮູ້ສຶກມາອາການໄອແຫ້ງ, ໄຂ້ຂຶ້ນສູງ ແລະ ຫາຍໃຈຍາກແມ່ນໃຫ້ຮີບຮ້ອນໄປຫາໝໍ ເພື່ອກວດໃຫ້ທັນ.
ບັນດາໂຮງໝໍທີ່ຮັບຮອງການປິ່ນປົວແມ່ນ ໂຮງໝໍມິດຕະພາບ (150 ຕຽງ), ໂຮງໝໍ 103 (ໂຮງໝໍທະຫານ).
ຮູ້ມືກວ່າເປັນຫລືສົງໄສໃຫ້ໂທໄປ 166, ຖ້າເປັນກໍລະນີສ່ຽງແທ້ບໍ່ຕ້ອງໄປໂຮງຫມໍເອງ ເພີ່ນຈະສົ່ງລົດມາຮັບຮອດບ້ານ.
Comments
Post a Comment