Thaum Sib Tso Lawm

Thaum Chim chim mas hais tias muab tso kiag, zoo li no xwb ces tso plhuav mus, mam mus nrhiav dua, tab sis thaum muab tso lawm zoo li cas?

Thaum yus tso plhuav nws lawm es nws los tso plhuav yus lawm thaum no mam paub tias ntiaj teb no thiaj txawj tsaus ntuj, nyob ib leeg ntsoos ntsoos, tsis muaj tus sau SMS tuaj, tsis muaj tus hu xov tooj tuaj li qub lawm, txawm yus tawm mus tham hluas nkauj los yog tham tau tus nquag nrog yus tham ces tsis txog twg tab sis yog tham ncaj tus tsis tshua xav nrog yus tham mas cav ua rau yus nco nws kawg, thiab xav tias yog txhob rawm tso nws mas ntshe tsam no kuv twb nrog nws nyob thiab hais lus zoo dua no lawm.

Thiaj txawj ntsoos thaum tsis tshuav leej twg lawm, nej leej twg yog sib tham tau los ntev lawm tsis txhob sib tso nawb vim yuav ua rau nej khuv xim tus ua plam mus ntawv heev.

Muaj zoo tus hlub khaws thiab hwm nws txoj kev hlub tseg kom zoo koj thiaj tsis khuv xim thaum nws plam plhuav mus lawm.

Txoj kev hlub txawm nws yuav loj npaum ntuj dav npaum hiav txwv los yog koj tsis ua zoo tuav ua zoo tswj ces nws yuav yaj ntshis plam plhuav yam li lub lwg teev saum daim nplooj qos dej es plam li plhuav yaj lis ntshis rau hauv npoo av lawm xwb tiag.