Tseg Cia Nco

Xyov ua cas li lau! ca es tus twg los nim nco nco tus tsis tau yuav li os. Zaj nkauj no Zuag Lauj hais tias tseem chim tseem khib uas koj tus poj niam tsis yog kuv .

Nyob Zoo Hmo no rov ua npau suav pom koj dua ib zaug ntxiv os, tseem pom koj nyob luag ntxhi nrog kuv ib yam thaum i wb tseem nyob ua ke. Txij thaum ntawv los txog tav ntuj no kuv twb tsis ua npau suav pom koj li, tab sis ua cas hmo no ho yuav ua npau suav pom koj nrog kuv nyob ib yam yav tga los os? Ntshe yog koj tab tom muaj kev lom zem los yog koj tab tom muaj kev kaj siab nrog koj txoj kev hlub tshiab es thiaj ua rau kuv ua npau suav pom koj nyob luag ntxhi li no?

Nyob Zoo Tau ntev kawg lawm uas tsis tau tuaj sau ntawv hauv no. Thaum ntej kuj zoo li nquag thiab tab sis ua cas ntev mus zuj zus es es cia li tub nkeeg zuj zus tuaj sau ntawv lawm. txij hnub no lamw tov mam li maj mam tuaj sau ib hnub ib zag dab neeg cia nawb. Pw lawm. Vang Vieng, Laos

Xyoo no Laos tau txais ua tswv tsa kev sib tw Sea Game zaum thib 25 uas yog txij hnub tim 9-18/12/2009 nyob rau hauv Vientiane, muaj tag nrho 11 lub teb chaws hauv ASEAN tuaj koom tag nrho xws li: Bruni, Cambodia, Indonesia, Laos, Malaysia, Myanmar, Philippines, Singapore, Thailand, Timor Leste thiab Vietnam .

Thaum Chim chim mas hais tias muab tso kiag, zoo li no xwb ces tso plhuav mus, mam mus nrhiav dua, tab sis thaum muab tso lawm zoo li cas?

Ua cas kuv yuav tsis ntse li os lawv, ua cas kuv yuav mus hlub tus neeg tsis hlub kuv li, ua cas kuv ho yuav ua zoo rau nws, muab nws khaws cia rau hauv yus siab, txhua hnub thaum yus sawv los nws yog thawj thawj yam uas kuv xub xav tshaj “tsam no koj ua dab tsi lawm xwb” txhua hmo thaum pw hnov los nws yog thawj tug uas yus xav txog, thaum twg xyeej sij hawm xwb yus yeej mus ntsib nws nrog nws tham, thaum nws muaj kev nyuaj siab los yus xav pab nws hais daws kom nws ho kaj siab. 

ua cas yus ho hlub tus neeg tsis hlub yus? ua cas yus ho ua zoo rau tus neeg uas tsis kam ua zoo thiab txais yus txoj kev hlub? yus ua zoo rau nws mus ntxiv ua tus dab tsi? tsum kiag tsis txhob muab nws los txiav koj txoj hau kev ntxiv lawm os, muab nws tso cia es mus nrhiav dua tus tshiab tus yuav los txais koj txoj kev ua zoo thiab koj txoj kev hlub os. koj txoj kev hlub thiab kev ua zoo ces cia tso tseg li no xwb mog.